SAN LUKA CHYUM JAWNG LABAU

SAN LUKA CHYUM JAWNG LABAU

            Myitkyina Saradaw Ginwang hta San Columban Jau ni garai ndu shi ai ten kaw nna. Chyum jawng hpe Nanlhaing mare hta shawng hpaw hpang da lu sai lam hpe chye lu ai. Columban Jau ni lak htak mungdan shang lawt nlu yang, Wa jau Kaliaher gaw Chyum jawng hpe Manmaw mare kaw bai hpaw da sai lam mung bai chye lu ai.

            Wa Jau Bernard Way hte Jau McGovern yan gaw, 1947-48 du hkra, Nanlhaing, 1949-53 du hkra Manmaw Chyum jawng hpe yu reng lit la wa masai. 1957 kaw na 1978 ning laman e Chyum jawng hpe Tanghpre mare kaw bai htawt hpaw nna Wa Jau Bernard Way hte Sara kaba Tsumhpawng Ja Li, Sara Gawlu Htang, Jau Feighary, Jau Madden, Jau Nawhkum Lawt Naw, Jau Paul Lasang La, Jau Francis Lum Dau lit la sharin ya lai wa sai hte  Hkaisum Sara Marip Tu Ja, Mama ni garum lai sai.

CYUMJAWNG HPE EDIN DE HTAWT AI LAM

            San Luka Chyum Jawng gaw, mare kaba hte tsan gang ai majaw, hkawm sa hkawm wa, htaw wa htaw sa, matut mahkai lam ni loi yak ai hte, chyum jawng ma ni machye machyang hkaja ai hta mung loi mi ning-ra ai majaw, Tanghpre kaw nna Edin de 1978 , June Shata hta htawt la sai re. Jawng up gaw Jau Gregory Naw Din rai nhtawm, Francis Xavier garum la sai.

CHYUM JAWNG UP JAU NI ( EDIN )

1. Wa Jau Gregory Naw Din                    (1978-81)

2. Wa Jau Gawlu Nawng Ji                     (1985-86)

3. Wa Jau Paul Lazing Lum Lai              (1989-91)

4. Wa Jau Joseph Nbwi Naw                  (1998-2000)

5. Wa Jau Yawhan Naw Tawng              (2001-2003)

6. Wa Jau Joseph Ngawyi Raman          (2003 - 2009)
7. Wa Jau Philip Mahka Naw Awng         (2009 - 2013)
8.  Wa Jau Leo Gopal                              (2013 - 2020)

Sharing arum lai wa sai Mama ni sharing ya nga ai Mama ni

1. Sr.Sylvia Lahpai Seng Tawng

2. Sr. Bosco Lazing Htu

3. Sr. John Marie

4. Sr. Roslyn Dashi Roi Bu

5. Sr. Mary Labang Kai

6. Sr. Maria Maran Hkawn Jan

7. Sr. Mary Zinghtung Lu

8. Sr. Justina Zinghtung Kaw Lum

9. Sr. Magreth

10.Sr. Cecilia Matheo

Sharin ya lai wa sai brother, Sara/ma ni hte sharing ya nga ai Sara ni /

1. Sara kaba Tsumhpawng Ja Li

2. Sara Kareng Johny

3. Sara kaba Yawhan Nlam Gam Li

4. Brother Joseph Ngawyi Raman

5. Sara Lahpai Awng La

6. Sara Nangzing Gam Bawk

7. Sara Lahpai Awng La

8. Sara Lahpai Zau Hkawng

9. Sara Lahpai Tu Ja

10. Sarama Zinghtung Doi

11. Sarama Hkawn Tawng

12. Dr. Lazum Yawhan

13. Dr. Beatrace Lu Ja

14. Sarama Agnes Hkawn Bu

15. Sara Yawhan Zau Ing

16. Sara Galau Ting Bawm

17. Sara Yawhan Hawng Hkawng

18. Sara Stephen Lanan Tang Lung

Chyum jawng hta sharing ai hpaji

1. Kabu gara Shiga                        ( NT )

2. Ga Shaka Dingsa                                  ( OT )

3. Kasa Laika                                   ( Acts of the Apostles )

4. Nawku Hpung Labau                ( church’s History )

5. The Roman Missal

6. Background to the Gospel

7. Sakramentu ni                            ( Sacraments )

8. A Biblical Catechism Course   ( Chyum Laika hpe madung tawn sharing ai Tara Laika )

9. Makam Masham Lam                ( Act of Faith )

10. Tara Laika Sharin Hpaji         

11. Nawku Mahkawn Mangoi     

12. Music

13. Nawku Akyu Hpyi Woi awn ai lam

14. Hkamja Lam

15. ASIPA

16. Ningbaw Ningla Hpaji

17. Htunghking

18. San pra ai ni a lam

19. Hkai rem Hpaji

20. Laika sharing hpaji

21. Guitar

22. Laika si zen hpaji

23. Myit mang sawn htang (Psychology)

24. Mawn sumli hpaji

25. Hkaw Tsun hpaji

Chyum jawng Htingnu Gaw gap ai lam

            1978 ning hta chyum jawng hpe kawa hte hkindu hte gaw gap da sai rai. Ya nga nga ai hkik hkam ai htingnu hpe gaw, 1980 ning hta she Wa Jau Salvan woi awn nna gaw gap da saga ai. Lasha Bawda , Numsha bawda nta ni hpe gaw, 19 – ning hta Wa Jau Francis Lum Dau woi awn nna gaw gap da sai.

Myitdum Shagrau Ging ai Sara Kaba Ni

Sara Kaba Tsumhpawng Ja Li

            Sara kaba tsumhpawng Ja Li gaw, 1957 ning kaw nna, Tanghpre San Luka Chyum Jawng kaw amu gun hpai nga sai. San Luka Chyum Jawng hpe Edin kaw htawt sit la ai du hkra Karai Kasang a kabu gara shiga sharing ya sai. Dai re ai majaw, Tara hkaw Sara law law hpe shalat shapan ya ai Hkristu a kasa kaba langai mi rai nga ai. Kasi la ging ai ningbaw ningla langai mi rai nga ai law.

Sara Kaba Nlam Gam Li

            Sara kaba Nlam Gam Li gaw, 1978 ning Edin mare kaw chyum jawng nnan hpaw ai kaw nna, Chyum jawng Committee hta shang lawm let, aten ladaw chyen kau hku nna sharing sara lit hpe gun hpai lai wa sai lam chye lu ai. 1980 ning kaw nna ya aten du hkra, Jau Ginwang Tara hkaw sara lit magam hte chyum jawng kaw mung aten hpring magam gun ai Sara Kaba rai nga ai. Shi gaw Chyum jawng hta magam gun ai ladaw mung (25) ning hpring sai lam chye lu ai. Anhte Nawku Hpung masha ni hku nna Sara hpe ndang tsun hkra chyeju dum shagrau ga ai, ngu ai lam hpe mung chye shangun mayu ga ai.

Sara Kareng Johny

            Sara Kareng Johny gaw, Edin San Luka Chyum jawng nnan gaw gap sa wa ai shaloi, n-gun atsam dat lai wa sai hte shi a Ja, Gumhpraw hte nan Chyum Jawng htingra hpe mari nna, Nawku hpung de ap ya ai hte lam shagu hta grai shakut lai wa sai lam chye lu ga ai. Shing re majaw, Sara hpe mung ndang tsun hkra chyeju dum shakawn ga ai lam, ka matsing shagrau ga ai.

Chyum Jawng Htingra alu jaw ai ni hpe mung chyeju dum ga ai.

1. Sara Kaba Lanang Ah Sau                             San Pya Lawk

2. Salang Maru Bawk                                          San Pya Lawk

3. Salang jan, Nlam Doi                                      San Pya Lawk

4. Salang Yajao Dau Lum                                   San Pya Lawk

5. Salang Sabaw Tu                                            San Pya Lawk

            Ndai myitsu nig aw shanhte galaw sha ai lamu ga, sun ni hpe manu jahpu hkrak nla ai sha. Nawku hpung de ap ya ma ai. Shanhte a mying ni hpe mung Nawku Hpung kaw nna, ka matsing shagrau ga ai law.

Tara hkaw Sara yawng rai yang (720) rai Sai. Ndai ni hpe Ningja Jat sharing hpawng hpe galaw nga ga ai (8) lang ngu na sharing hpawng hpe galaw nga ga ai.