SAT KAU HKRUM AI TARA HKAW SARA NI, MYITKYINA SARADAW GINWANG.

 

SAT KAU HKRUM AI TARA HKAW SARA NI. MYITKYINA SASANA.

 

 

1.     1. SARA DASHI ZAU KRIM

Tanghpre jau ginwang )

Sat kau hkrum ai nhtoi    -  September ( 14), 1971.

Sat kau hkrum si shara    -  Nsawp mare, Tanghpre

Sat ai masha                    -  Myen Hpyen dap

Tang hpre mare kawn Hpung kawan hkawm nna bai wa let machyi ai masha langai hpe akyu hpyi  ya na matu nsawp mare kaw yup ai shana, shanglawt hte myen hpyen dap gasat poi byin wa ai re lam. Sara hte nta masha ni mali hka kau maga hprawng hkawm ten, myen hpyen la ni gaw mare agyi wa hpe tam hkawm ai hte hkrak dai shana manam re ai Sara Zau Krim hpe mu hkrup nna galang ta sat kau ai re lam.  Nta madu jan chyu sha, dai moi mang hpe kawa panep hte hkayawp tawn nna hpang shana jan du yang she kaga mare masha ni mai sa garum la ai lam. Wa Jau Way shawng Tanghpre kawn lung wa tim, lam kaw myen ga nchye ai majaw bai shabai hkrum nna Sara Kaba.. hte Wa jau ....ni lung nna moi mang hta la rai nhtawm, Tanghpre de la yu wa nna makoi mayang ai re lam. 1994 ning hta ginjaw kaw na Sara ni lup de akyu hpyi ya ai lam shi a kasha, Lahpai Zau Awng jan Elizabeth Dashi Lu Awn kawn shi a kasha Lahpai Zau Mai a nta kaw ( 23. 9. 2022 ) ya shana tsun dan ni ai rai.

 

2.     2. Sara Peter Lamawn La

Tanai Jau Ginwang.

Sat kau hkrum ai Nhtoi    -  August 28, 1964 ( bat 5)

Sat kau hkrum ai shara     -  Nam Bru Zup, Tanai.

Sat ai masha                     - Myen hpyen dap/ HK.L.Y. ( 15 )

 

3.     3. Sara Yawhan Njung Tang

Mo Gaung Jau ginwang.

Sat Kau Hkrum ai Nhtoi    - Nov 20, 1977

Sat kau hkrum ai shara       -  Pang Sau Yang.

Sat ai masha                        - Myen hpyen dap

Shi hte rau nta masha ( 3 ) yawng marai (4)

 

4.     4. SAra Kadaw Gum Ja (lit hkam Sara )

Monyin Jau Ginwang

Sat Kau Hkrum ai Nhtoi -1991 ning

Sat kau hkrum ai shara – Gau gwi pa ( ေကာက္ေကြ႕ ) ( Sut Mu Kawng )

Sat ai masha  - Myen Hpyen dap ( dai ten tatma – 99 ) grai kasu ten re

Shi hte rau – Slg. Maran Awng Mung si Lawm mat sai.

 

5.     5. SARA /NHPU YANG LA

Monyin Jau Ginwang,

Nawng Lut ginwang, Mai Nawng mare kaw amu galaw ai re.

Sat kau hkrum ai Shaning – 1976 ning, January.

Sat kau ai – Hk.L.Y ( 15 ) Myen Hpyen Dap Dap Up Thun Yin ngu ai wa up ten re

Mai Nawng mare kaw nan zin ri sat kau hkrum ai lam chye lu ai.

Kasha ni Lawa, hpakant hkan nga ai hpe chye lu ai.

 

6.     6. SARA NLUM ZAU RA

Kachyi htu jau ginwang

Sat kau hkrum ai shaning  - 1967 ning

Sat kau hkrum ai shara – Shing Bwi ga kaw sat kau hkrum ai

Myen hpyen dap kawn sat kau ya sai rai.

Matsing: mying jahpan sha naw lu ai re. Kata lam hpe matut sawk sagawn tang madun na.

tang madun ai - Sara Nhkum Naw Seng.

SAN LUKA POI MASAT TARA HKAW SARA SHAGRAU POI NINGGUN JAW GA

TARA HKAW SARA NI YAWNG MADAT NINGGUN JAT LA GA.

 

2020 ning Covid -19 yak hkak laman Tara Hkaw Sara ni hpe Shagrau, akyu hpyi ya na lam, Wa Saradaw Kaba Paul Grawng a ninggun jaw ga.

 https://www.youtube.com/watch?v=iA0u4FaBq-M

SHAGRAU SHA A HKRUM LAI WA SAI TARA HKAW SARA NI

1. TARA HKAW SARA JEROME PALAWNG AWNG LAT

Tanai Jau ginwang, Awng lawt mare.

Shagrau sha a hkrum ai Ningja mying

"HKRISTU A KANGKA AI SHANGUN MA" 

2018 ning, May shata 28 -31, ya laman Myitkyina Tatkone sanpra mare kaw, Myitkyina Sasana Jau ginwang 21 kaw na Tarahkaw sara ni 40 jan a datkasa zuphpawng hta shagrau sha a lai wa sai rai.

Tara Hkaw Sara Jerome Palawng Awng Lat gaw; 2015 ning, April Shata hta Tanai mare kaw majan byin wa ten, Tanai Jau ginwang,  Awng Lawt mare masha marai (200) jan hpe Danai mare de lu pru wa hkra nam lam hku Chyoipra Hkum lakawn lang, hpai hkawm akyu hpyi nna woi awn lai wa sai Tara Hkaw Sara rai nga ai. Nam kata shata mi jan na hkra hkawm  sa woi nna Danai mare de du wa ai lam chye lu ai.

2. TARA HKAW SARA KABA NLAM GAM LI

Myitkyina Jau ginwang, Edin mare a Lit Hkam Sara, San Luka Chyum Hkawlik a Laika Sharin Sara, Tara Hkaw Sara Ginjaw Komiti a  Ningbaw ni hku nna shaning law law ap nawng lai wa sai Tara Hkaw Sara re. Makam lam hta Kri tai, Kanu kawa tai, kasi kaja hte woi awn lai wa sai re majaw shagrau masat laika hte shi a Tara Hkaw Sara tai ai (50 ) ning hpring Ja Jubili poi kaw shagrau sha a sai rai.

"MAKAM A KASI NINGLI KAJA" 

Sara Kaba a Ja Jubili poi kaba hpe San Luka Chyum Hkawlik, Edin mare kaw 2018 ning December 19 ya shani grai awng dang ai hku galaw la lu sai rai.

GINJAW TARA HKAW SARA KOMITI MAGAM GUN NI

TARA HKAW SARA GINJAW KOMITI MU GUN HPUNG NI ( 2017 - 2021 )

Wenyi Hpu-Awn Jau  - Wa Jau Leo Gopal.

1. Sara Yawhan Nhkum Naw Seng, Ningbaw. Shatapru Jau ginwang.

2. Sara Patrick Nga Gum Seng, Ningtau Ningbaw (1), Waimaw Jau ginwang.

3. Sara Luka Nhpum Shing Grau, Ningtau Ningaw (2), Shatapru Jau ginwang.

4. Sara Npawn Mun Awng, Amu madu, Alam Jau ginwang.

5. Sara Npawn Hkun Awng, Ginrun Amu madu ( 1 ), Shatapru Jau ginwang.

6. Sara Hkangma Brang Nu, Ginrun Amu madu ( 2 ), Shadau Jau ginwang.

7. Sarama Hpau Roi Ja Lung, Kunhting, Myitkyina Jau ginwang. 

8. Sara Nhkum La yau, Jahpan jum, Tanghpre Jau ginwang.

9. Sara Paul Pasi Gumrat, Jahpan jum ( 2 ), Myitkyina jau ginwang.

10. Sara Htingtsap Awng Ra, Jahpan jep, Myitkyina Jau ginwang

11. Sara Shadan Hkang Tu Shan, Jahpan Jep ( 2), Myitkyina Jau ginwang.

KOMITI A PROJECT, GALAW SA WA NA LAM NI.

1. Tara Hkaw Sara ni a Gawda Tara hpe bai Ka lai shagrin nna jai lang lu hkra galaw sa wa na.

     ( Lu ging a ahkaw ahkang, Lit magam, Makawp maga ya ai tara ni....)

2. Tara Hkaw Sara Dazik bai gram na.

3.  Name Card ni bai matut manoi galaw ya na.

4.  Laning mi Lahkawng lang Komiti mu gun hpung ni a bawng ban hpawng nga na

5.  laning mi galang Jau ginwang shagu na Datkasa ni hte hkrum zup hpawng galaw na

6.  ( 4 ) ning hta galang Saradaw Ginwang Ting na tara hkaw sara ni a hkumra zuphpawng galaw na.

7.  Laning mi hta galang San Luka Chyum Jawng a masing hku  nna, ta tut magam gun nga ai,

     Tara Hkaw Sara ( 25 - 50 ) hpe ningja bai jat ya ai sharin hpawng ni mgalaw ya na.

TARA HKAW SARA JUBILI POI.

Tara hkaw sara ni (Full Time Catechists ) Karai magam hta 25 ning, 50 ning hpring hkra Nawku hpung kata nsim nsa aten jaw, hkumhkrang, myit masin yawng tup hte ap nawng ai rai yang Chyeju dum Jubili poi hpe  Nawku hpung kawn shagrau sha a nga ai re. Jubili Hkam la na Tara Hkaw Sara wa gaw Laning mi (One year )  tau nau nna Jau Ginwang Tara Hkaw Sara Komiti de laika bang shiga jaw da ra ai.

 Jubili hkam la na wa gaw;-
1. Chyum Jawng Yu lakmat ( Certificate, Dip, B.Th,.... ) madun lu ra nga ai. Shing nrai,
2. Magam Gun hpang, Lit shatsam Laika ( Posting ) madun dan ra ai.
3. Ginwang Up jau hte Buga hpung masha ni a madi shadaw ai lam ni nga ra ai.
4. Nawku hpung hta matut manoi nhkring nsa amu gun ai wa rai ra ai.
5. Sacramentu hte mara dan jaw da hkrum, pat da hkrum ai wa nrai lu na.
6. Chyum jawng yu ai hpang, Ramma dap, Num  Hpung, Hpung tau, Nawku hpung a rung, Nawku     hpung a Sanana jawng, Chyum jawng, Bawda, Bawng ring Dap ni hkan galaw let Jubili hkam la na ten hta, Tara hkaw Sara tsang de masat da hkrum ai wa  rai yang Tara Hkaw Sara Jubili hpe hkam la mai nga ai.

Jubili hkam la na wa lu la na ahkaw ahkang. 

1.  Sarabyin a shaman Lakmat
2.  Saradaw a shagrau masat lakmat hte Gumhpraw (or ) Ja Dazik.
3.  Ginwang Up jau a Shagrau  Masat lakmat
4. Jau ginwang kawn Lak san Bonus shagrau kumhhpa
5. Jau ginwang  hte buga sara aseng  na ni gaw alak rai nna Sara a Jubili poi hta shang lawm  mai ai.
6. Magun Shat lit, htung hking lam amyu myu, shagrau sha a lam amyu myu hte shang lawm mai ai.
7. Jubili shaning hta shata lahkawng (2 ) Sa la nna Akyu hpyi bu hkawm ai lam mai galaw ai.

http://www.catechist.com/

http://www.myspace.com/thecatechists

http://www.vatican.va/roman_curia/congregations/cevang/documents/rc_con_cevang_doc_19971203_cath_en.html

http://www.catholiccatechist.org/

http://www.paoline.it/Riviste_250.aspx

http://www.catechisti.it/