WU DANG KAWAN AI LAM

I.                  Ngu na sà ra. Yesù hpe sumri dan Jeyang ai lam.

N.      Na a chyoi pra ai Wudang a marang e mungkan ga hpe hkye la sai majaw.

Sh.    Hkristu e, Nang hpe anhte nawku shakawn nga ga ai law.

N.      tara jeyang ai shara kaw Pilatu dung nga ai; shi a man e damya zawn tsap nga ai wa gaw, Karai a Kasha rai nga ai. Si chye ai hte mara kap ai wa gaw, htani htana ahkrung nga ai Chyoi Pra ai Karai Kasang re ai wa hpe jeyang dawdan ai, mauhpa nrai a ni?

Madu Yesu e, anhte a shut hpyit mara ni a majaw Nang jeyang hkrum sai. Hpang de mara koi yen kau nna, Na a tengman ai lam hpe hkan sa lu na matu, garum ya rit.

( Sumla shaga a man e hput di nna, Madu Akyu hpyi ga, Ave Maria, Shakawn Kungdawn ga, mai tsun ai )

N.      Anhte hpe matsan dum rit, Madu e.

Sh.    Anhte hpe matsan dum rit.

N. Kam sham ai ni a wenyi nig aw, Karai Kasang a matsan dum ai hte ngwi pyaw ai hta ban sa nga mu ga law.

Sh. Amen.

Kasha Wudang hta noi nga yang, kanu sharing shayawt nna, Wudang makau e tsap nga. Amen.

II.               Ngu na sà ra. Yesù hpe wudang hpai shangun ai lam.

 

N.      Na a chyoi pra ai Wudang a marang e mungkan ga hpe hkye la sai majaw.

Sh.    Hkristu e, Nang hpe anhte nawku shakawn nga ga ai law.

N.      Mungkan ga a shut hpyit mara mahkra hpe Yesù dagraw la sai majaw, grai li ai wudang hpe hpai ra ai. Ba ai hte ahpye alam rai nga timung, anhte shut hpyit ai ni hpe hkye la na matu, kabu ai myit hte dai wudang hpe hkap hpai la sai.

          Yesù e, anhte myit malai lu nna, tinang a wudang hpai let nang kaw tutnawng hkan nang na matu garum ya rit.

Myit ru myit ra yawn hkyen kaba, kanu a masin salum hpe nhtu zawn chyaw di hkrang ai.

III.           Ngu na sàra. Yesù shawng lang kadang taw ai lam.

 

N.      Na a chyoi pra ai Wudang a marang e mungkan ga hpe hkye la sai majaw.
Sh.    Hkristu e, Nang hpe anhte nawku shakawn nga ga ai law.

N.      Yesù kadang wa nna taw nga ai shaloi, shi a hpyen ni gaw, shi hpe dang sai, awng sai myit nna, grau asawng asang roi rip nga ma ai. Anhte Tara shut ai shaloi mung shi hpe jahpoi kau ai, shi a Nawku hpung hpe shayawn kau ai hte, nhkru nkaja ai nat ni hpe kabu shangun ga ai.

          Yesù e, na a tara hpe atsawm sha lang lu na matu, garum ya e.

Dai a lu ai wunhkum majan, kasha shingtai chyinghkai kanu, O, kade myit yawng myit ru.

IV.           Ngu na sàra. Lam lapran e, Kanu hte Yesù Hkrum ai lam.

 

N.      Na a chyoi pra ai Wudang a marang e mungkan ga hpe hkye la sai majaw.

Sh.    Hkristu e, Nang hpe anhte nawku shakawn nga ga ai law.

N.      Yesù shan nu shada mu hkrum ai shaloi, Kanu a myit kasha kaw du nna, Kasha a myit kanu kaw du ai. shan nu shada gade matsan dum yawn hkat sai hpe, Kadai mung nchye tsun dan ai. Anhte a matu Kasha hte kanu dai yawn hkyen ai hpe hkam sharang la manu ai

          Madu Yesù hte Nu Maria e, anhte hkrum ang ai nji nmu myit ru myit tsang lam ni hpe, nan hta kam shamyet nna, hkam sharang lu  na chyeju jaw ya mi law.

Kasha hkrum ai nni nhkri, sumnung shingdi kanu mu jang, sharung shayawt hkrap sharang.

V.               Ngu na sàra. Sireni mung na Simun ngu ai wa, wudang hpai garum ai lam.

 

N.      Na a chyoi pra ai Wudang a marang e mungkan ga hpe hkye la sai majaw..

Sh.    Hkristu e, Nang hpe anhte nawku shakawn nga ga ai law.

N.      Yesu ninggun yawm wa ai majaw, hpyen la ni Simun hpe shi hte rau wudang hpai shangun sai. Yesù gaw mahkra dang chye ai Karai Kasang a kasha rai nga ai hpe simun dum chye taw gaw, kabu gara ai myit hte hpai garum na rai nga ai.

          Yesù e, na a tengman ai lam hpe hkan sa nna shani shagu seng ang ai bungli galaw let hkrum ang ai ruyak kyin dut lam ni hpe hkam sharang ai gaw, nang hte rau wudang hpai shingtau ai lam rai nga ai. kabu sharawng ai myit hte anhte a wudang hpai lu na matu, garum ya rit.

Nde wa ja ai yubak hta, Hkristu a Nu hpe mu ai wa, kadai nhkrap nga na ta?

VI.           Ngu na sàra. Veronika ngu ai jan, Yesù a Myiman hpe katsut kau ya ai lam.

   

 

N.      Na a chyoi pra ai Wudang a marang e mungkan ga hpe hkye la sai majaw.

Sh.    Hkristu e, Nang hpe anhte nawku shakawn nga ga ai law.

N.      Veronika gaw, Yesu hpe roi rip zingri zingrat nga ai ni hpe nhkrit nkaya ai sha, matsan dum ai myit hte shi a myi man hpe hpajet hte sa katsut ya ai.

          Yesu gaw, Veronika hpe chyeju dum na matu, hpajet hta shi a myi man sumla hpe dem shakap ya sai. Yesù a myi man hpe madu yu ga; anhte a shut hpyit mara ni, dai chyoi pra ai myi man hpe kade wa asawng asang ahpye alam di kau nga ahka!

Hkristu hte rau yu bak hkrum ai, shi a kanu hpe mu ai wa, Nhkrap nna nga na ta?

VII.        Ngu na sàra. Yesù Lahkawng lang Kadang taw ai lam.

N.      Na a chyoi pra ai Wudang a marang e mungkan ga hpe hkye la sai majaw.

Sh.    Hkristu e, Nang hpe anhte nawku shakawn nga ga ai law.

N.      Yesù bai kadang taw ai shaloi, hpyen la ni shi hpe aroi arip di nhtawm bai rawt hkawm shangun sai.

          Yesù e, anhte tara tawt lai ai shaloi nang hpe n-gawn nsawn di kau nga ai. Myit malai lu nna, hpang de na a tara mungga ni hpe tutnawng hkan madat lu na matu, garum ya rit.

Tinang amyu mara jaw e, anu kayat hpe hkrum nga ai, Yesù hpe Kanu mu ai.

VIII.    Ngu na sàra. Yerusalem num sha ni, Yesù a lam hkrap ngu hkrap ngoi ai lam.

 

N.      Na a chyoi pra ai Wudang a marang e mungkan ga hpe hkye la sai majaw.

Sh.    Hkristu e, Nang hpe anhte nawku shakawn nga ga ai law.

N.      Shi a hpang e hkan nang nna, hkrap ngu hkrap ngoi ai numsha ni  hpang de kayin nhtawm Yesù gaw, Yerusalem a shayi sha ni e, Nye a matu hkum hkrap myit; nahte hkum nan hte, nanhte a nshu nsha ni a matu hkrap mu. Kaning rai nme law, hpung katsin hta ning di sayang gaw, hpun jahkraw hta kaning di na rai ta? Ngu wu ai.

          Dai gaw, shi mara nkap ai wa dai daram yubak hkam ang yang gaw, anhte mara kap ai ni kade hkrum ra ai hpe shadum ya ai rai. Yesù e, anhte a shut hpyit mara ni hpe myit dum myit malai lu na chyeju jaw ya rit law.

Kau da hkrum let nsa hti ai, tsawra la ai kasha wa hpe, sumnung kanu mu ai le.

IX.           Ngu na sàra. Yesù masum lang kadang taw ai lam.

 

 

N.      Na a chyoi pra ai Wudang a marang e mungkan ga hpe hkye la sai majaw.

Sh.    Hkristu e, Nang hpe anhte nawku shakawn nga ga ai law.

N.      Kalwari kawng de du wa ai shaloi, ninggun htum wa sai majaw, Yesù lang mi bai kadang taw sai: Hpyen la ni shi hpe gang sharawt la nna, wudang naw hpai na matu, adip arip di ma ai.

          Tsara matsan dum njin ai Yesu e, anhte law law lang shut hpyit kau sai rai timung Nang hkyamsa jaw ya nit dai. Hpang de anhte lama shut kataw wa yang, bai rawt myit malai lu na chyeju jaw ya rit.

Tsawra la ai, O kanu e, nang hkrum sai myitru myitra hpe, ngai hkam na,  sharai ya e.

X.               Ngu na sàra. Yesù a hpun Palawng hpe Rò kau ya ai lam.

  

N.      Na a chyoi pra ai Wudang a marang e mungkan ga hpe hkye la sai majaw.

Sh.    Hkristu e, Nang hpe anhte nawku shakawn nga ga ai law.

N.      Yesù hkum ting ahpye alam rai nga ai majaw, shi a hpung palawng hkum hta kap nga ai. Palawng  hpe rò kau ai shaloi, hkum hta na hpyi mung gaw nang wa ai majaw, kachyi kaba hkrum sai.

          Yesu e, anhte a hkum shan ra marit ai mara ni a majaw, nang nde wa machyi ai yubak hkam la nit dai. Anhte hkum hpe up hkang da nna mai kaja ai hte san seng ai hku hkan galaw lu na matu, garum ya rit.

Hkristu Madu sharawng awng ai, shi hkum nan hpe tsaw rai myit, ngai hta e shaja ya rit.

XI.           Ngu na sàra. Wudang hta Yesù hpe jen da ai lam.

 

 

N.      Na a chyoi pra ai Wudang a marang e mungkan ga hpe hkye la sai majaw.

Sh.    Hkristu e, Nang hpe anhte nawku shakawn nga ga ai law.

N.      Wudang hta noi nga ai Yesù hpe mada yu ga. shi a lata ladawn ai gaw, anhte hpe hkap la na matu rai sai. Shi a baw gum nga ai gaw, anhte hpe htinglu htinglai ya na matu rai sai. Shi a garep nhkrem waw nga ai gaw, shi a sai hte anhte a mara ni hpe shatsai kau ya na maru rai sai.

          Yesu e, Nang anhte hpe tsawra nga ai daram anhte nang hpe nhtang tsaw ra lu na chyeju jaw ya rit law.

Chyoipra nu e, nye a myit hta, Hkristu hkrum ai hkala nba, ja ja rai dil shakap ya.

XII.        Ngu na sàra. Wudang ntsa e, Yesù nsà hti ai lam.

  

N.      Na a chyoi pra ai Wudang a marang e mungkan ga hpe hkye la sai majaw.

Sh.    Hkristu e, Nang hpe anhte nawku shakawn nga ga ai law.

N.      Hkying hkum masum wudang hta noi nga ai hpang Yesù nsà hti mat sai. Wudang ntsa e shi si hkam ai lam gaw, masha yawng a matu wa Karai Kasang hpe htingrai htingrat ya ai gawng malai hkugga rai nga ai. Dai gawng malai hkungga hpe Missa hta myit dum galaw nna bai nawng ya ai shaloi, Yesù a htinglu htinglai ya ai chyeju hte nan jawm pawng nga ga ai.

          Madu Yesù e, Missa Hkungga hpe sharawng awng ai myit kaba jaw ya rit law.

Nye a matu ningsha Yesù, Hkam sharang ai yubak lam hpe, ngai hpe karan jaw ya e.
 

XIII.    Ngu na sàra. Yesù a moi mang hpe wudang kaw nna shayu la ai lam.

N.      Na a chyoi pra ai Wudang a marang e mungkan ga hpe hkye la sai majaw.

Sh.    Hkristu e, Nang hpe anhte nawku shakawn nga ga ai law.

N.      Wudang kaw nna Yesù a moi mang hpe shayu la nhtawm, Kanu a lahpyen hta mara tawn da ma ai. Yesù hpe mada yu ga. shi a myi nmu sai; Shi a n-gup chyip mat sai; Shi a garep nhkrem hte lagaw lata waw nga ai. Shut hpyit mara hta na, anhte hpe hkye la nna, lamu mungdan de woi la na matu, shi nde wa yubak hkam la sai.

          Yawn hkyen kaba hkrum nna, sharung shayawt nga ai, Nu Maria e, Yesù a tsawra ai myit, anhte hpe grau nna dum chye shangun ya rit.

Wudang hta si ai ningsha hpe, nang hte rau n-gaw nwai rai, Prat tup e hkrap na sha rai.

XIV.    Ngu na sàra. Yesù a moi mang hpe lup ai lam.

 

 

N.      Na a chyoi pra ai Wudang a marang e mungkan ga hpe hkye la sai majaw.

Sh.    Hkristu e, Nang hpe anhte nawku shakawn nga ga ai law.

N.      Nlung hta tawk nna galaw ai lup ningnan hta Yesù a moi mang hpe makoi tawn da manu ai. Masum ya hpang shi bai hkrung rawt wa sai.

          Yesù e, Nang si hkam ai hte bai hkrung rawt ai a marang e, anhte mung si ai ni kaw nna bai hkrung rawt nna, htani htana nang hte rau nga nga na matu, garum lajang ya rit law.

Wudang makau e tsap nna, nanhte rau hkrap ngu hkrap ngoi na, nye a myit masin naw ra.

Son Of God Film

http://www.nowvideo.sx/video/48ae3cbba1daf

WA JAU THOMAS GUMRAI AWNG A LABAU KADUN

1. shangai chyinghkai wa ai lam

   Shawng de Mali Nmai Wa Lawng Njang Yang Ning Htawn, Pali mare kaw  1960 ning August shata 08 ya shani, Kawa sara Stephan Gumrai Gam hte, kanu Dorothy Lama Ja Nan yan kaw nna    shangai wa sai rai. Kahpu kanau ni;

1. Jau Thomas Gumrai Awng

2. Monica Gumrai Kaw Bu + Law Lai Gumja Naw

3. Patrick Gumrai Lawt Naw + Lalawng Lu Bu

4. Petru La Sam  + Mary Labang Kaw Ing

5. Gumrai Roi Nu + Shan Rawng La Dut

6. Gumrai Tu Hkawng + Myitung Htu Seng.

7. Mama Magaret Rosy Htu Hkawng (SFX, Roma).

8. Benedett Kai Ling + Petru Nhtung Hka Brang Mai.

2. hpaji hkaja la ai lam

Tsang (4 ) du hkra N-greng Kawng mare, Tsang (5 -7) du hkra Manmaw, Kokkudaw SHS 2, kaw lung la sai. Tsang 8-10  hpe Myitkyina,  SHS 2 kaw lung nna 1982 ning hta Tsang 10 awng la sai. Asuya Dakkasu kaw B.A (Geo) hte Jan mau gup la lu sai.

Jawng ma ten hta, ning tawn ai lam;  Gaw din ginsup ai hta mungdaw madang ginsup ninghkring tai lai wa sai. Hkrang pan (sumla soi) ai lam hta grai ningtawn ai hte  Music hta ningtawn nna Base Guitar dum, Choir hta Base hkan lai wa sai rai.

3. JAU TAI JAWNG lung HPANG WA AI LAM

  1977 ning hta, Aung nan Minor Seminary nga hpang sai. 1982 August 12 ya shani Brother Palawng hpun la lu sai . 1982– 84 Yangon hte 1984-85 du hkra Pegu St. Joseph’s Major Seminary ni hta karai hpaji hkaja la nna  B. Th hte B.A (Philo)  Jan mau ni gup la lu nu ai rai.

Mung masa npyaw wa ai majaw hkring sa nga ai ten 1986 – 67 ning Hta Putao Jau ginwang de sa du nna mama  ni hpe mam hkai garum ap nawng lai wa sai. 1988 ning hta Tanghpre Ginwang up jau Paul lasang la kaw nga nna ap nawng shakut shaja ap nawng lai wa sai..

1990 ning hta Jawng bai hpaw ai ten hta Pyin Oo Lwin de sa nna Philosophy matut lung la nu ai. 1994 ning hta Deacon Aya hpe hkam la lu sai rai.

4. Jau aya hkam la ai lam

1995 March 22 ya shani Tanghpre Jau Ginwang, Alam mare, St. Mary Nawku Jawng  wang kaw Wa saradaw Paulu Zinghtung Grawng a lata hta, Wa Jau Micheal Myint Aung, Wajau Peter Nlam Tu Awng ni hte rau “Not to be served but to serve” ngu ai manoi ga hpe lashum nna, htani htana Jau aya hpe hkam la sai.

5. Gun hpai lai wa sai lit magam ni

1995 –1996 ning  Jau aya hkam la ai hte rau  Myitkyina Jau ginwang a Ningtau Jau hte Sara daw Ginwang Ramma Director Lit shatsam hkrum sai. 1996 May 18 ya shani  Shatapru Jau Ginwang hpaw dat sai hte shawng nnan ngu na Lit Hkam Jau hku nna lit shatsam hkrum sai. Shatapru St. Patrick Jawng wang de gaw 1997 shaning nnan de she wa dung hpang wu ai rai. 2007 kaw nna Tanghpre Jau Ginwang a Lit Hkam Jau hte Tangpre Zone a Jau kaba Episcopal Vicar,  tai wa sai rai.

6. RAMMA DIRECTOR PRAT

1995 ning kawn, Myitkyina sasana Ramma Director  Lit magam hpe shakut shaja nna, Ramma law law hpe shalat shaprat ai hta n-ga, Germany, Canada hte kaga mai gan mungdan law law de du sa nna, WYD ni hta sa lawm lai wa sai. W.P htung hking manau hpe mungkan ting chye hkra woi awn shakut lai wa sai rai. Myenmar mung kaw mung Youth Congress law law lang galaw woi lai wa sai  rai.

7. JAU PRAT ( 19 ) NING HPRING SAI.

Tanghpre Jau Ginwang up lit magam hte, machyi makaw rai nga  ai majaw  maigan pru tsi tsi hkam la nga ding yang rai nga let, hpung kawan shaja nga ai ten, 2013 ning May 25 ya shana maga 2:45 P.M. ten hta Madu  Yesu  woi la nu ai rai.

8. kasi kaja la mai ai lam ni

- Grai shagrit shanem chye ai. Ramma law law hpe shalat ai.

- Htunghking hpe manu shadan, shagrau sha a jai lang chye ai.

- Makyin Jinghku, Manaw manang ni hpe tsaw ra chye ai.

-Sasana lam hta Magrau grang, Ningja atsam kaba  ai jau re

- Mali nmai hka madim hte seng nna tinang amyu sha ni myit ra ai hte maren  byin wa hkra mung, hpung jawng wang ngang grin hkra  woi awn ning shawn tai lai wa sai rai.

MYITKYINA SASANA MUNGBAWNG HPUNG MAGAM GUN NNAN NI

Myitkyina sasana Mu gun hpung nnan ni hpe bai lata shatsam dat ai lam. nhtoi 24/05/2013.
1. Sara Kaba Muk Hkawng Hawng Hkawng -Ningbaw,  Jan Mai Kawng.
2. Sara Tsum Hpawng Sin Wa - Ningtau Ningbaw, Mali Yang. Zi Lun.
3. Sara Yawhan Nhkum Naw Seng.   Amu madu, Shatapru, St. Thomas.
4. Sara NLam Zau Hkawng.  Ginrun Amu madu. Njang Kawng.
5. Sarama Tangbau Lu Nan. Kun Hting. Tatkone.
6. Slg. Myat Soe Latt. Jahpan jep. Khemar Thiri.
7. Slg. Labya Mung Htoi. Malawm. Aungnan.
8. Slg. Mashaw La Hkawng. Malawm- Yuzana.
9. Slg. Salaw Tu Mai. - Malawm. Yuzana.

MSGR. LUCAS LAYAN DAU HKAWNG A JUBALI LABAU KADUN

WA JAU MSGR. LUCAS LAYEN DAU HKAWNG

Shangai nhtoi                 -   26.06.1958.

Shangai shara                 - Pyin mana  ခလရ (၁၇) hpyen dap.

Jau aya hkam ai nhtoi    - 10.04.1988.

Jau aya hkam ai shara    -  St. Columban, Aungnan, Myitkyina..

Lit magam                      - VG. Msgr and PP of Sitapur Parish.

CHYINGHKAI KANU HTÈ KAWA

Petru Layen Hawng Dau hte Cecilia  Chying  Htaw  Dai Naw.

KA HPU KANAU NI

1. Wa Jau Lucas Dau  Hkawng

2. Dau Lum (Kaji ten kaw nna nnga mat sai)

3. Jerome Dau Ze + Rose Angela Gyung Naw  (kasha 3)

4. Patrick Dau Dai (nnga mat sai)

5. Anthony Dau  Hawng (nnga mat sai)

 6. Teresa Dau Naw (nnga mat sai)

7. Teresa Dau  Nyoi (SFX ma ma) Thiri, Kyaing Tung.

ASUYA HPAJI HKAJA HKAWM AI LAM

Elementary – to  High School;

Pyinmana ခလရ (၁၇) Hpyen dap Jawng hte Myitkyina San Columban Mission school. Now  (S.H.S-3)

JAU TAI JAWNG LUNG HPANG WA SAI

1972 -Tsang (6) kaw nna  jau tai jawng kaji Minor seminary Aungnan (MKA) nga hpang wa sai.

DAKKASU

Yangoon (RASU) Rangoon Art And Science University. 

Degree B.A.. (Psychology) hte Dip (Pastoral Ministry) Philippines

Janmau ni hpe Awngdang la lu sai rai.

PREMAJOR

1978- 1982–16 Duban Road, Yangoon. (4 ning tup) Asuya janmau lu ai hte Philosophy hpe shangut la sai.

MAJOR

1983 - Major lung na shawng e, Machang Baw, Putao. Jawng sara hku nna laning mi ap nawng galaw sai.

1984- 1988   -  Theology shangut nna Reader/Acolytes Deacon Aya hkam la sai.

2001 – 2003  -  Philippine (E A P I) Dip (Pastoral Ministry).

2004              -  London (St. Beuno’s Spirittuality Centre)

HTANI HTANA JAU TAI WA SAI

Karai Kasang hte shi a amyu masha ni hpe daw jau na matu, tinang a hkum hpe nyet kau nna, Wa Saradaw Kaba Paulu Zinghtung Grawng a lata hta, 10/04/88 ya shani Myitkyina Cathedral kaw htani htana jau aya hpe hkam la lu sai rai.

MAGAM GUN HPAI LAI WA SAI SHARA NI

1988 – 1990  -Tanai Parish (Assistance Priest)

1990- 2001 - Khamti parish as the founder and the first Parish Priest of Khamti Parish.

2004- 2007  -  Mogaung Parish Priest.

2007 – 2010 -  Myitkyina Parish Priest and Vicar General

2010 -      -Sitapur Parish Priest. Nawku hpung kata lapran salang tai ya nga ai zawn, mung dan kata simsa lam Kasa galaw lai wa sai rai.

KARAI A MAGAM GUN AI (25) NING HPRING SAI

Sasana lam hta shakut shaja ai hte, ti nang hkum machyi hkrum hkra ap nawng ai, karai a myu sha ni hpe gawn lajang tsawra ai, Jau, MaMa, Tarahkaw sara ni hpe grai shalat sai hte, Jahkrai ma law law hpe yu nga ai jau, wenyi lam hta shadik ai jau tai let sasana amu gun ai gaw; 10/04/2013 hta, 25 hpring sai re majaw chye ju dum ai  hte shagrau sha A dat lu ga ai rai.

Ka lajang ai: Sara Yawhan Nhkum Naw Seng