KAHTAWLIK NAWKU HPUNG A NAWKU JAWNG HPAN

 1. Basilica Nawku Htingnu

    Ndai gaw Madu Yesu Hkristu, Nu Maria hte san Pra ai ni hte seng ai Sawm, Nrut nra, Arung Arai lama ma bang da, lup da ai Nawku jawng langai rai nga ai. Major Basilica Kaba ( 4 ) sha nga ai. 1. San Petru Basilica Nawku Hting Nu ( Roma ), 2. San Paulu Basilica Nawku Htingnu( Roma ), 3. San Yawhan Lateran Basilica( Roma ), 4. San Maria Kaba Nawku Htingnu ( Roma ) ni rai nga ma ai. Minor Basilica Kaji ni gaw law law nga ai hpe mu lu ai.

2. Cathedral Saradaw a Tingyang Nawku Htingnu.

    Nawku jawng kaji tim, kaba tim, Saradaw Dung nna woi awn, up hkang ai Nawku htingnu rai nga ai. Duomos or Center, Ginjaw ngu na shara rai nga ai. Wa saradaw gaw Ndai Nawku Htingnu kaw nga nna, Saradaw ginwang ting hpe Up hkang, Shachyoi Shapra, Sharin shaga nga ai.

3. Church. Nawku jawng.

Ginwang up Jau ni dung ai Nawku jawng or  Shawa a matu Missa nawng nawng re ai Nawku jawng rai nga ai.

4. Chapel. Akyu hpyi gawk, Nawku jawng kaji.

Shawa a matu masat da ai shara n re. Jau tai jawng, Chyum jawng, Mama tai jawng, Boarder, Sasana nta ni, laika sharin jawng, Dakkasu, Hkawlik, Tsi rung, Hpyen dap ni hkan tinang wuhpung a matu, masha loi mi a matu san da, masat da ai Akyu hpyi shara rai nga ai.

5. Adoration Chapel. 

Chyoipra hkum or Madu Yesu a hkum  hte sai hpe tawn da nna, kam sham ai hpung masha ni sa Nawku shara, sa Akyu hpyi na shara rai nga ai.

6.   Ginra Nta. Tara Jawng.

Sunday School, Tara Laika, makam masham sharin na shara re. hpung  masha ni a Shinggyim bawng ring lam hte seng ai lam, kabu gara poi, yawn hkyen poi hte buga masha ni a shamu shamawt lam ni galaw ai shara rai nga ai. 

7. Grotto. Nu Maria Lungpu.

Lourdes Mare na Lungpu kaw Madu Yesu a kanu Maria gaw san Bernadette hpe shadan dan ai hpe kumla hku la nna Rosary hti ai lam, Novena galaw ai lam, Nu Maria poi ni hpe galaw ai lam ni hpe Ndai Nu Maria Lungpu a lahpyen kaw galaw chye nga ga ai rai.

 

MYITKYINA SASANA A SAGU REM NNAN JOHN MUNG NGAWN LA SAM

 

Myitkyina Saradaw ginwang hta ra kadawn nga ai Saradaw ningnan a matu 29 October 2024 ya shana de Myanmar Mung gindai ahkying ( 5: 30 ) aten Wa Sarabyin Francis kawn Wa Jau John Mung Ngawn La Sam ( MF ) Shadau ginwang up hpe Saradaw tai na lata dang dat ai lam ndau shana ya sai. 

 

 

WA SARADAW JOHN MUNG NGAWN LA SAM A LABAU KADUN

---------------------------------------------------------------

 

Wa Saradaw gaw, April 27, 1973 ya shani, Lashio Saradaw Ginwang, Moe Gok mare kaba kaw Slg. Petru Mung Ngawn Seng Du hte Jan Elizabeth Sing Nan Pri Ja  yan kaw nna shangai wa ai.

Wa Saradaw a Chyu rum hpu nau ni gaw - 1. ( Du Paulu Mung Ngawn Zau Ring )+ Cecilia Nhkum Kai Seng, ya ten Laiza, 2. Yaku Mung Ngawn Ja Naw + Rita Lazum Hkawn Lung, ya ten May Myint, 3.  Andrew Mung Ngawn Tu Mai + Elizabeth Dashi Hkawn Tsin, ya ten Du mare , 4. Augustine Mung Ngawn Bum Hkrang +jan Hpauda Seng Bu, ya ten America kaw re, 5. (Emily Mung Ngawn Seng Pan, kaji ten si sai ) ni rai nga ma ai.

Missionary of Faith ( MF ) ngu ai Jau Wuhpung hta 8 September 2014 ya shani shawng ningnan na Ga Sadi hpe hkam la ai.

16 Janauary 2016 ya shani htani htana Jau aya hpe Myitkyina Saradaw ginwang Alam Wudang Bum lagaw St. Peter Nawku Jawng hta hkam la ai.

Myit sawn hpaji ( Philosophy ) hpe Pyin Oo Lwin, St. Joseph’s Major Seminary jau tai Dakkasu jawng hta sharin hkaja la ai.

Karai Kasang hte seng ai hpaji ( Theology ) hpe Roma mare na,Pontifical Lateran Dakkasu jawng hta hkaja la sai.

Magam gun ai shara ni :

2016 – 2017 du hkra St. Columban’s Cathedral, Myitkyina;

2017 – 2024 ya aten du hkra Shadau Jau Ginwang a Ginwang Up Jau magam hpe gun hpai nga ai.

Saradaw shatai ai hpe January 12,  2025 ya shani,
San Luka Chyum Hkawlik, Edin, Myitkyina kaw hkik hkam ai hku Wa, Saradaw Kaba, Cardinal Charles Maung Bo a lahta hta hkam la lu sai rai.

Wa Saradaw Gaw, Jinghpaw Wunpawng Amyu sha ni hta 6 ngu na Buga Saradaw re. 

MYITKYINA SASANA SARADAW GINWANG A LABAU KADUN.

 MYITKYINA SASANA SARADAW GINWANG A LABAU KADUN.

1972 ning hta, Francis Jau ni jinghpaw mung de du hpang wa sai. 1936 hta bai wa masai.

1936 ning hta Irish Columban Jau hpung ni du hpang wa sai. 1977 ning hta bai wa masai.

5 January 1939  hta e, Mandale kawn yu let ( As prefecture Apostolic of Bhamo )  madang de shalun ya sai rai. 1977 ning hta

21 February 1961 ya hta, ( As Diocese of Myitkyina ) Saradaw Ginwang madang hku nna masat ya sai.  

1977 ning April 24 ya shani hta Buga Saradaw paul Zinghtung Grawng Sagu rem aya Hkap la nna Buga Nawku hpung byin tai wa sai rai.

MYITKYINA SASANA TARA HKAW SARA GINJAW KOMITI A NINGBAW LIT GUN HPAI LAI WA SAI SARA NI.

 

Sara Komiti ni a lit magam ni.

Sara Nlam Gam Li kawn sang lang dan ai hta Moi shawng na Saradaw ginwang hta Komiti hku uhpung hpaw nna ningbaw galaw lai wa sai Sara Kaba ni gaw; -

1.     Sara  kaba  Nang Zing Gam    ( 1976 - 1984 )

2.     Sara kaba Yaw Bawm ( 1984- 1991 )

3.     Sara kaba Yawhan Nlam Gam Li ( 1991 - 1999 )

4.     Sara kaba Yawhan Nlam Gam (1999   – 2013 )

5.     Sara Kaba Columban Labang Naw Awng ( 2013 – 2017 ) ni galaw lai wa sai. 

sa  Sara Yawhan  Nhkum Naw Seng ( 2017- 2023 )

s   Myitkyina Sasana Tara Hkaw Sara Ginjaw Komiti a hkumra Zuphpawng hta, Sara Kaba Nlam Gam Li Hpaji jaw mungga hta na  shaw la ai re. Nhtoi 27  -29/ 7/ 2017.  St. Gabriel, Tatkone, Myitkyina.

 

SAT KAU HKRUM AI TARA HKAW SARA NI, MYITKYINA SARADAW GINWANG.

 

SAT KAU HKRUM AI TARA HKAW SARA NI. MYITKYINA SASANA.

 

 

1.     1. SARA DASHI ZAU KRIM

Tanghpre jau ginwang )

Sat kau hkrum ai nhtoi    -  September ( 14), 1971.

Sat kau hkrum si shara    -  Nsawp mare, Tanghpre

Sat ai masha                    -  Myen Hpyen dap

Tang hpre mare kawn Hpung kawan hkawm nna bai wa let machyi ai masha langai hpe akyu hpyi  ya na matu nsawp mare kaw yup ai shana, shanglawt hte myen hpyen dap gasat poi byin wa ai re lam. Sara hte nta masha ni mali hka kau maga hprawng hkawm ten, myen hpyen la ni gaw mare agyi wa hpe tam hkawm ai hte hkrak dai shana manam re ai Sara Zau Krim hpe mu hkrup nna galang ta sat kau ai re lam.  Nta madu jan chyu sha, dai moi mang hpe kawa panep hte hkayawp tawn nna hpang shana jan du yang she kaga mare masha ni mai sa garum la ai lam. Wa Jau Way shawng Tanghpre kawn lung wa tim, lam kaw myen ga nchye ai majaw bai shabai hkrum nna Sara Kaba.. hte Wa jau ....ni lung nna moi mang hta la rai nhtawm, Tanghpre de la yu wa nna makoi mayang ai re lam. 1994 ning hta ginjaw kaw na Sara ni lup de akyu hpyi ya ai lam shi a kasha, Lahpai Zau Awng jan Elizabeth Dashi Lu Awn kawn shi a kasha Lahpai Zau Mai a nta kaw ( 23. 9. 2022 ) ya shana tsun dan ni ai rai.

 

2.     2. Sara Peter Lamawn La

Tanai Jau Ginwang.

Sat kau hkrum ai Nhtoi    -  August 28, 1964 ( bat 5)

Sat kau hkrum ai shara     -  Nam Bru Zup, Tanai.

Sat ai masha                     - Myen hpyen dap/ HK.L.Y. ( 15 )

 

3.     3. Sara Yawhan Njung Tang

Mo Gaung Jau ginwang.

Sat Kau Hkrum ai Nhtoi    - Nov 20, 1977

Sat kau hkrum ai shara       -  Pang Sau Yang.

Sat ai masha                        - Myen hpyen dap

Shi hte rau nta masha ( 3 ) yawng marai (4)

 

4.     4. SAra Kadaw Gum Ja (lit hkam Sara )

Monyin Jau Ginwang

Sat Kau Hkrum ai Nhtoi -1991 ning

Sat kau hkrum ai shara – Gau gwi pa ( ေကာက္ေကြ႕ ) ( Sut Mu Kawng )

Sat ai masha  - Myen Hpyen dap ( dai ten tatma – 99 ) grai kasu ten re

Shi hte rau – Slg. Maran Awng Mung si Lawm mat sai.

 

5.     5. SARA /NHPU YANG LA

Monyin Jau Ginwang,

Nawng Lut ginwang, Mai Nawng mare kaw amu galaw ai re.

Sat kau hkrum ai Shaning – 1976 ning, January.

Sat kau ai – Hk.L.Y ( 15 ) Myen Hpyen Dap Dap Up Thun Yin ngu ai wa up ten re

Mai Nawng mare kaw nan zin ri sat kau hkrum ai lam chye lu ai.

Kasha ni Lawa, hpakant hkan nga ai hpe chye lu ai.

 

6.     6. SARA NLUM ZAU RA

Kachyi htu jau ginwang

Sat kau hkrum ai shaning  - 1967 ning

Sat kau hkrum ai shara – Shing Bwi ga kaw sat kau hkrum ai

Myen hpyen dap kawn sat kau ya sai rai.

Matsing: mying jahpan sha naw lu ai re. Kata lam hpe matut sawk sagawn tang madun na.

tang madun ai - Sara Nhkum Naw Seng.

SYNOD 2021 -2023. RAPDAW HPAW HPANG HTE SHANGUT AKYU HPYI GA.

Chyoi Pra ai Wenyi hpe saw shaga ai akyu hpyi ga. Synod 2021-2023.

Sasana rau hkawm sa ai Nawku hpung

Kagyin gumdin, Jawm Pawng shang lawm, Sasana Majen je.

O Chyoi Pra ai Wenyi Karai e, Na a mying ningsang hte anhte du hpawng nna, nang Madu a man e tsap nga ga ai. Nang Madu hta sha anhte hpe lam matsun madun na matu anhte a myit masin de du shang wa ya rit. Tengman lam hpe lata la lu na matu sharin achyin ya nna, dai tengman ai hpe hkap la kamsham lu na chyeju atsam jaw ya rit. Anhte gaw ninggun kya, mara kap ai ni rai nga ga ai majaw, hkrat sum lam a mabyin ningpawt ntai shangun ai sha, anhte a laikyang ni gaw myiman tam ai hte nchye ai zawn galaw ai a marang e, n kaja ai de ndu na matu garum shingtau la rit. Nang Madu hta sha anhte gaw ninghtan rapra ai hpe lu la ga ai rai nna, htani htana asak hkrun lam hta rau hkawm sa nga yang, tengman tara kaw nna lam numshe shang ai hpan hpe yeng seng kau ya rit. Ndai akyu chyeju ni hpe mahkra dang chye ai Kawa Karai Kasang, Kasha karai hte rau, nga yawng nga pra hpe shara magup hkying ten shagu hta uphkang Hpran nga ai Chyoi Pra ai Wenyi hpe, grit nem myit the hpyi nem nga ga ai law. Amen.

Chyoi Pra ai Maria kaw garum hpyi ai Akyu hpyi ga ( Synod 2021 – 2023 ) Memorare.

N-gaw nwai myit hte hpring nna, sumnung shingdi htum ai, Oh Hkawnsek Maria e, Nang Nu a makawp maga ya ai npu de hprawng shang ai ni, Na a garum shingtau ai hte htinglu htinglai ya ai hpe hpyi ai kadai rai tim, garum la nhkrum ai ngu ai n nga ai, ngu ai hpe myit dum ya rit.

Oh! Hkawnsek ni a Hkawnsek, nye a Kanu e, Ndai kam hpa myit e nden shaja ya ai majaw, nang hpang de ngai kagat du nngai; shut hpyit mara kap let, yawn hkyen hkrum let, Na a man e tsap nga nngai.

Masha tai wa ai Mungga a Kanu e, ngai hpyi nem ai lam ni hpe hkum ndang kau ya e; Na a matsan dum lama ai hte htan ya e law. Amen.